सोमय्या तंत्रनिकेतन येथे विध्यार्थ्यांसाठी ‘ कृत्रिम बुद्धिमत्ता ‘ (Artificial Intelligence) सेमिनारचे आयोजन
महाराष्ट्र शिक्षण प्रसारक मंडळ द्वारा संचालित सोमय्या तंत्रनिकेतन येथे १७ जानेवारी २०२४ ला विध्यार्थ्यांसाठी ‘ कृत्रिम बुद्धिमत्ता ‘ या विषयावर सेमिनारचे आयोजन करण्यात आले होते ,त्यामध्ये प्रमुख पाहुणे प्रा.डॉ.गजेंद्र आसुटकर उपप्राचार्य प्रियदर्शनी अभियांत्रिक महाविद्यालय नागपूर यांनी कृत्रिम बुद्धिमत्तेवर विध्यार्थ्यांना प्रभावीपणे मार्गदर्शन केले.
कृत्रिम बुद्धिमतेच्या संदर्भात ‘मशीन लर्निंग’ हा सध्याचा परवलीचा शब्द आहे. कृत्रिम बुद्धिमत्तेचा व्यवहारात उपयोग करण्यासाठी मशीन लर्गिंगचा वापर होतो; ज्याद्वारे संगणकाला थेट सूचना देण्याऐवजी माहिती (data) पुरवली जाते, ज्याचा अभ्यास करून संगणक स्वत:च शिकतो, निर्णय घेऊ शकतो आणि आपल्याला हवे असणारे विश्लेषण करू शकतो.तसेच आधुनिक नवनवीन तंत्रज्ञानाणे मानवी जीवनात अमूलाग्र बदल घडवून आणलेला असून यात इंजिनीरिंग क्षेत्राचा फार मोठा हातभार लागलेला आहे.कृत्रिम बुद्धिमत्ता कशी कार्य करते. AI जलद, पुनरावृत्ती प्रक्रिया आणि बुद्धिमान अल्गोरिदमसह मोठ्या प्रमाणात डेटा एकत्र करून कार्य करते, ज्यामुळे सॉफ्टवेअरला डेटामधील नमुने किंवा वैशिष्ट्यांमधून आपोआप शिकता येते ,त्याचा कुठे वापर करायचा,जगभरात याचे किती महत्व आहे आणि करियर वाढविण्यासाठी उपलब्ध असलेल्या अफाट संधीचा उपयोग करून विधार्थी चांगले करियर घडवू शकतो.
या शाखेतील संशोधन मुख्यत: स्वयंचलित कार्य करण्यासाठी आवश्यक असलेली बुद्धिमान वर्तणूक करू शकतील अशा यंत्रांशी निगडित आहे; उदाहरणादाखल नियोजन (planning), संयोजन (joining), निदान-विषयक प्रश्नांची उत्तरे शोधण्याची क्षमता, हस्ताक्षर, आवाज आणि चेहरा ओळखण्याची क्षमता इत्यादी.अशा प्रकारे या विषयावर प्रकाश टाकला,तसेच प्रत्येक विभागातील विधार्थांनी उस्फुर्त सहभाग घेतला होता.
सदर सेमिनारमध्ये संस्थेचे अध्यक्ष श्री.पी.एस आंबटकर, संस्थचे उपाध्यक्ष श्री. पियुष आंबटकर, सचिव प्रीती पी.आंबटकर, डायरेक्टर सौ.अंकिता पी.आंबटकर प्राचार्य श्री. जमीर शेख, प्राचार्य श्री. दीपक मस्के उपस्थित होते.
तसेच सहकार्य विभागप्रमुख प्रा.खुजे,प्रा.डॉ.चव्हाण,प्रा.बोबडे,प्रा.नागराळे,प्रा.बल्लमवार,प्रा.कोटकर,प्रा.ठाकरे, ग्रंथपाल भारती घटे आणि शिक्षकेत्तर कर्मचारी उपस्थित होते.